PC Zodinsanga, Kanan Veng leh Lalremruata, Chawnpui te chuan Simulation d'Incident en Vol ( SIV ) course hautak em em mai an zo ta
Mizoram Paragliding Association pilot pahnih, PC Zodinsanga, Kanan Veng leh Lalremruata, Chawnpui te chuan Simulation d’Incident en Vol ( SIV ) course hautak em em mai an zo ta. Anni pahnih hi Mizo civil mi zingah tandem pilot ( mi phur thei ) hmasa ber an ni bawk a, kum 2021 khan Bir Billing, Himachal Pradesh ah an lo zo tawh a ni. Tun a an course rawn zawh leh hi paragliding a chetsual theihna awm thei hrang hrang lak a inven dan a ni a, pilot tan a course pawimawh ber a ni.
An pahnih hian tun kum tawp lam a India ram hmun hrang hrang a competition khel turin an inbuatsaih chho leh nghal dawn a ni. Vawi duai lo Mizoram aiawh in tu hriatpui vak lem lovin competition an lo khel fo tawh bawk.
MPGA hi pawl naupang te an ni chungin, vawi engemawzat Mizoram pawn ah competition khel in an kal tawh thin a, accuracy judging thleng a mithiam te an nei bawk a ni.
Paragliding hi adventure tourism atan a sport pawimawh tak leh tourist hip thei tak a ni a. MPGA hmalakna in Aizawl ah ngei kum tawp lam atangin tandem ride te conduct theih beisei a ni bawk.
