Mizoram Paragliding Association chuan a hmalam atanga kan lo rel tawh angin, Ni 16/12/2025 zinglam dar 08:00 ah Aizawl chhuahsan in Siaha lam kan pan a, zan dar 9:30 ah Siaha Tlapi (Tlangpui) kan thlenga. Tv. K. Chatlaisa Hlychho leh Nula K. Sorili (Kuku) ten minlo hmuak a ni

 

Kan riahna tur hi, engkim an lo ruahman sa vek angin, kan riahna tur lam kan pan nghal a. heath hian Pu Medila Khaila in minlo hmuak ve leh thung a ni. 

 

Mizoram Paragliding Association Hqrs lam atanga kal te leh Mizoram Paragliding Association, Siaha District hruaitute nen in hmel hriat tawnna neih niin, kan lawm hle a ni. Kan hma chhawp hmasa ber Chhim lam atanga a hmasa ber turin Paragliding Flying site tur zawnna leh en chhinna nei tura in ruahmanna kal pui turin program chu tawngtaina nen khar a ni.

Pilot L.C. Awma lo zirna angin Landing point awm theihna tur a hmuhte fan kuala endikna neih a ni a, Glider te check a nih hnu ah Landing site awm theihawm dang chu en chhun zawm leh nghal a niin, a vawi khatna atan a en chhin phawt nise tiin a tlangdung in khawh dan te leh a thli awm dan te ngaihchan a nih hnuah takeoff lam en tur a chet chhuah leh a ni.

Dar 3:00 ah tlangpui thlen chhoh niin, Niawh kawng tlang lam enchhin a ni a, a hmunhma a rem chiahloh avangin, Tlangpui Forest plantation lam han enchin leh a ni a, thli awm dan te en in thlawhna tlak ah ngaih a ni a, a tuk lam ah thlawk tur ruahmanna siam a nih hnuah riahna lam pan a ni.

 

Siaha Tlangpui hi chawhma dar 10:57 ah thlen chhoh niin, Siaha khaw chunga a hmasa berna a tana thlawk turin MPGA Pilot Lalchhuanawm (L.C.Awma)a chuan chawhma dar 11:12 ah boruak ah in vawrh kangin, Chhimlama District atanga thlawk chhuak hmasa ber record siamin 3Km chu 12min a thlawk a ni (Hetah hian souring tih a nilo a, 1 round lift nan chauh hun a hmang a ni).

 

Siaha atanga tuipui Ferry lam hi thlawh theih a ni em tih en turin, Tuipui ferry lam pan thlak leh nghak a ni a, Landing atangin takeoff theihna hmun turte thir ho leh a ni a, Tuipui ferry atang hian chawhnu dar 2:45 ah siaha lam pan a ni a, Hmun hrang hrang en kual nghal a ni.

 

Zing dar 8:00 ah Siaha chhuah san niin, Tluang takin hemi zan vek hian Aizawl thlen a ni.