18/07/2025: Sport Council hnuai ah Hmalakna tur hrang hrang sawi ho a ni a, MPGA aiawhin Kan president Pu Vanlalhruaitluanga chuan report a pe a ni. He meeting ah hian Olympic 2036 hi thlur bing deuh a nih avangin, keini MPGA lam atang chuan kan pawl thil tih te hi Olympic itema la nih loh avangin leh Olympic item pakhat chhunga rinluh tur a hmalakna chu khawvel pum a tih hlawh tlin a la nih loh avangin, hemi chungchangah hi chuan kan pawlin hmalakna kan neilo a, Kan pawlin kanlo hmalak tawhna Mizoram pawn a kan chet chhuahna leh Tun a kan hmalakna kal mek te repot kim tawi in a pe a ni.

 

Durtlang, Saitual leh Champhaiah te paragliding site hmun nghet nei tur a hmalak mek ani a.

 Champhaiah hian kumin (2025) kumtawpah  National level Paragliding accuracy competition, MSSC Golden Jubillee pual a buatsaih turin hmalak mek ani. Tin, Champhai hmunah vek hian paragliding P1 & P2 training Mizo thalai te tan a buatsaih nise kan ti a, hemi atan hian hmalak mek ani. 

 

 

Olympics games 2036 ah Paragliding hi game discipline ah a tel loh avang in, MPGA chuan he mi atan a hmathlir hi a nei lem lo a. Chutih rual erawh chuan Mizo thalai a tam thei ang ber paragliding training nei thei tura hmalak ani.

 

 

Paragliding hian central ministry/state ministry atangin a hranpa a fund source a neih loh avang in harsatna lian tak kan nei a, mimal/member thahnem ngaihna a sum thawh khawm atang a hmalak anih deuh mai avang hian, kan duh leh beisei angin hmasawnna kan hmu zung zung thei lovin hmalak chak a har hle ani.

Hetiang ani chung hian, kan site develop na tur fund source ngaihtuah in a theih ang anga ministry hrang hrang te dawr kual ani a; heng kan hmalaknaah hian pawl naupang tak kan nih avangin kan tawnhriat ala tlem hle a, hmalak zel dan tur min fin chhuah tur leh tanpui kan ngaihna kawng hrang hrang a kan Association upa zawk leh Sports council a kan hruaitute pawn min finchhuah zel turin kan in ngen in kan sawm tak meuh meuh cheu ani.

 

Durtlang a kan landing site te chu cheibawl that leh tum a ni a, he hmun hi Football field 2 tiah dawn a lai zawk a ni tawh a, a thlawh chhuahna lam ah eng emaw harsatna kan nei avangin tlem chawlh lai lawk a lo ni a, hmathar lak leh tum mek a ni.

Khawvel paragliding Pilot naupang ber MPGA in kan chher chhuah a vangin kan lawm hle a, Book of world record mai nilo, Guinness world record thlenga siam kan tum lain harsatna kan tawk a, guinness world record a tling ngei tura hma lak mek zel a ni bawk.

Saitual ah hian kan district Hqrs kaihruaina hnuaiah Flying site thar buaipui mek a ni a, State pawn lam atang te in kan hmunhma te min endik pui hlawm a, chang tlung zawk a, kan hman theihnan hmalak zel a ni.

 

 

MPGA in a kan hmalak tum leh kan hmalak mek te hi, MSSC hnuai a kan Association pui ten, inti ta tu taka min tawi awm a, min phur pui zel turin kan sawm che u ani.